«Ийэ тыл илгэтэ - 2016» куораттааҕы күрэх

 

Олунньу 20 күнүгэр үрдүк таһымнаахтык сыл ахсын ыытыллар алын сүһүөх оҕолоругар аналлаах “Ийэ тыл илгэтэ” куораттааҕы куонкурус буолан ааста. Куонкуруһу МБҮӨТ “Саха гимназия” алын сүһүөх кылаастар учууталларын методическэй холбоһуга тэрийэн ыытта.

 Уран тыл түһүлгэтин (өйтөн суруйуу) тиэмэтин ФГНУ “НОЧНИ” үлэһиттэрэ таҥан оҥордулар. 3, 4 кылаас оҕолоро  күрэхтэстилэр.  

2-с кылаас үөрэнээччилэрэ дьиэ кэргэннэринээн күрэхтэстилэр.

Дьүүллүүр сүбэҕэ ФГНУ “НОЧНИ”, “Кэскил” хаһыат үлэһиттэрэ, оскуолаттан биирдии учуутал үлэлээтэ.

Куонкуруска куорат 14 оскуолата кыттыыны ылла.

Төрөөбүт тыл уонна литература түһүлгэтигэр «Сомоҕо домох» күрэх оонньууну Ыччат уонна оҕо киинин кыраайы үөрэтэр салаата тэрийэн ыытта. Оскуолаттан 3-түү оҕолоох 14 хамаанда кытынна.

Күрэх түмүгүнэн:

1-кы уонна 2-с миэстэни тэҥ бааллаах тахсан Саха гимназиятын (Прудецкая Маша, Степанова Айна, Куличкин Женя) уонна ЯГНГ (Гаврильева Камилла, Луковцев Айтал, Егимова Сардана) хамаандалара үллэстиннилэр, 3-с миэстэни Саха политехническэй лицей (Прокопьева Яна, Егорова Лилия, Николаев Радомир) ылла.