Сектор краеведческой литературы ЦДЮ: ОЛОҤХО КИЭҤ КИЭЛИТИГЭР

Быйыл 2015 сыл сэтинньи 27 күнүгэр оскуола оҕолорун ортолоругар олоҥхо толорооччуларын "Олоҥхо киэҥ киэлитигэр" күрэхтэрэ буолан ааста Бу күрэх 4-с төгүлүн ыытылынна. Барыта Дьокуускай куорат 8 оскуолатыттан 65 оҕо кытынна.

Оҕолор барахсаттар олоҥхо тойуктара көрөөччүлэри, дьүүллүүр сүбэни барыларын үөртэ, долгутта. Чахчы да, саха омугун түмэр, сомоҕолуур аналлаах, норуот олоҕор тыын суолталаах айымньыбытын үүнэр көлүөнэбит умнубакка сайыннара, уһуйа туруохтара диэн эрэли бигэргэттэ.

Дьүүллүүр сүбэҕэ олордулар: 1. Анатолий Николаевич Павлов-Дабыл - 1990 сылтан «Кут-сүр» түмсүүтүн салайааччыта, Айыы итэҕэлин тарҕатааччы. 1991 сылтан өрөспүүбүлүкэтээҕи «Кэскил», «Юность Севера» хаһыаттар суруналыыстара. Билигин хаһыат кыраайы үөрэтэр отделын сэбиэдиссэйэ, СӨ култууратын үтүөлээх үлэһитэ, СӨ үөрэҕириитин туйгуна.

2. Слепцова Галина Григорьевна - «Көмүлүөк» духовность киинин методиһа.

3. Уарова Любовь Прокопьевна - ХИФУ Россия норуоттарын литературатын үөрэтэр магистрана, саха литературатын чинчийээччи.

Күрэх түмүгүнэн кыайыылаахтарга маннык ааттар тигистилэр:

1. «Тойуктаах туйгуна» - Васильев Коля, 5 кыл. (НПСОШ № 2)

2. «Абылаҥнаах толорооччу» - Семенов Ганя, 5 кыл. (НПСОШ№2)

3. «Хомоҕой тыллаах олоҥхоһут» - Мылахова Света, 6б кыл. (МОБУ СОШ №1)

4. «Уһун тыыннаах толорооччу» - Игнатьев Руслан, 9а кыл. Тулагы оскуолата.

5. «Кэскиллээх толорооччу» - Артемьев Рустам, 1д. кыл. (МОБУ СОШ №26)

6. «Көрөөччү биһирэбилэ» - Никифорова Вилена, 6а кыл. Айыы кыһата

Ону таһынан биһирэбил бириистэргэ тигистилэр:

1. Иванова Аня, 8б кыл. МОБУ СОШ №1

2. Семенов Ганя, 5 кыл. НПСОШ №2