ВЕЛИКИЙ ЮКАГИР

   6 октября мы для студентов пед.института провели беседу о великом юкагире Семене Курилове.  В этом году 29 сентября ему исполнилось бы 80 лет. К сожалению он прожил всего 45 лет, но за свою короткую жизнь он успел сделать так много для своего народа, что его действительно можно называть великим юкагиром. Ребята с интересом слушали о жизни и творчестве талантливого писателя, обзор его книг. В конце нам обещали прочитать все его произведения, особенно роман "Ханидо и Халерха". Этот роман является не только венцом творчества писателя, также он вошел в список 100 самых лучших произведений писателей Якутии.

Ийэ тыл сүмэтин билээри

     Алтынньы 7 күнүгэр биһиги - оҕо уонна ыччат киинин кыраайы үөрэтэр салаата, "Отрочество" ааҕар саалата уонна П.А.Ойуунускай аатынан литературнай музей кыттыһан иккис төгүлүн "Ийэ тыл сүмэтин билээри" күрэх ыыттыбыт. Бу сырыыга 9, 2, 20, 38, уонна 1-кы № - дээх оскуолалартан 6,7,8 кылаастартан сүүмэрдэммит барыта 6 хамаанда күрэхтэстилэр.
 Дьүүллүүр сүбэҕэ оҕо уонна ыччат киинин сүрүннүүр библиотекара Ксения Дмитриевна Яковлева, сүрүннүүр библиограба Екатерина Николаевна Кычкина уонна литературнай музей үлэһитэ Ньургуйаана Викторовна Халгаева көрдүлэр. 
    Күрэх сыала-соруга оҕоҕо төрөөбүт тылыгар тапталы иҥэрии, ийэ тылынан киэҥ туттуу, уус-уран айымньыны ааҕыыга угуйуу, оҕо билиитин көрүүтүн хаҥатыы. 
   Хамаандалар бары сүрдээх үчүгэйдик бэлэмнэнэн кэлэн көхтөөхтүк кытыннылар, билиилэрин-көрүүлэрин көрдөрдүлэр. Сынньалаҥ кэмигэр оҕолор ырыа ыллаан, хоһоон ааҕан, тойуктаан талааннарын арыйдылар, барыбытын олус сэргэхситтилэр, үөртүлэр. 
   Күрэх түмүгүнэн 50 баалы ылан "Кустук" диэн 1-кы оскуола хамаандата чиэстээх-бочуоттаах "Тииҥ Мэйиилээх" аатын сүктэ. Атын да хамаандалар "Өй Кынаттара", "Бэргэн тыллаах", "Тыл сонордьуттара", "Ийэ тыл кэскилэ", "Кыайыыга дьулуурдаах" хамаанда ааттарын ылан үөрэн-көтөн тарҕастылар.

   

Оҕо уонна ыччат киинэ

*Олонхо киэн киэлитигэр* күрэх балаһыанньата

Сыала:  Саха норуотун чулуу айымньытын олоҥхону эдэр көлүөнэҕэ тарҕатыы.

Соруктара:

·        Оҕо айылҕаттан дьоҕурун таба тайанан, айар абылаҥҥа угуйуу;

·        Ийэ тыл эгэлгэ өҥүн муҥутуурдук баһылыырга уһуйуу;

·        Оҕо төрөөбүт тылынан киэҥ эйгэҕэ саҥарар дьоҕурун сайыннарыы.

Күрэх ыытыллар күнэ: 2015 сыл сэтинньи  27 күнүгэр 15.00 чаастан саҕаланар.

Күрэххэ кытталлар: 1-4 уонна 5-8 кылаас үөрэнээччилэрэ.

Күрэх ирдэбилэ: күрэхтэһээччилэр талбыт олоҥхолоруттан быһа тардан толороллор. Национальнай таҥастаах толоруу биһирэнэр. Кыттааччылар сайаапкаҕытыгар ааккытын, оскуолаҕытын, кылааскытын уонна салайааччы аатын ыйан туран сэтинньи 24 күнүгэр диэри тиксэрэҕит.

Күрэҕи тэрийээччилэр: Оҕо уонна ыччат киинин иһинэн үлэлиир кыраайы үөрэтэр уонна орто саастаах оскуола оҕолорун салаалара.

Аадырыспыт:  677000 Дьокуускай куорат, проспект Ленина, 1, Оҕо уонна ыччат киинэ, 3 этээс, 313 каб. Билсиһэр төлөпүөҥҥүт:  49-69-36. Электроннай аадырыспыт: skl_12@mail.ru.

Күрэх түмүгэ: Хас биирдии кыттааччыга сертификат, кыайыылаахтарга диплом уонна бириис туттарыллар.

Тэрийэр сүбэ