«Ыччат ырыаһыттар» А.И.Софронов – Алампа хоһооннорун ааҕыы күрэҕэ
Олунньу 26 күнүгэр кыраайы үөрэтэр салаа «Ыччат ырыаһыттар» диэн А.И.Софронов – Алампа хоһооннорун ааҕыыга күрэх тэрийэн ыытта. Бу күрэх «Төрөөбүт тыл уонна сурук-бичик» декадатын чэрчитинэн, улуу суруйааччыбыт Алампа үбүлүөйдээх 130 сааһыгар ананна. Орто сүһүөх үөрэх тэрилтэтин устудьуоннарыттан уонна кадетскай оскуола үөрэнээччилэриттэн, барыта 15 хоһоон ааҕааччы кыттынна.
Күрэх түмүгүнэн 1-кы миэстэҕэ ЯТЭК ПК 2-с куурсун устудьуона Манасытов Петр «Ыллыым ээ, ыллыым» хоһоону ааҕан тигистэ. 2-с миэстэни, кадетскай оскуолаттан Ануфриев Афоня («Дорообо, дойдум!»), 3-с миэстэни СХТ 2-с куурсун устудьуона Пахомова Саргылана («Письмо отцу») ыллылар.
Дьүүллүүр сүбэҕэ олордулар Уарова Любовь Прокопьевна – ХИФУ МЯЛ–15 магистрана, Дохунаев Егор Васильевич – П.Ойуунускай аатынан лит.музей научнай сотруднига, СР культуратын уонна үөрэҕириитин туйгуна, Николаева Мария Анатольевна – оҕо уонна ыччат библиотекатын ааҕыы киинин библиотекэрэ.
Хоһоон ааҕыыга оҕолор ылсан үлэлээбиттэрэ харахха быраҕыллар, ордук киэргэтиилээх, ис хоһоонун биэрэн туран саҥарбыт кыттааччылар толоруулара биһирэннэ. Манна жюри бэрэссэдээтэлэ Дохунаев Е.В. сүбэ-соргу курдук бэлиэтээһинэ ылыннарыылаахтык иһилиннэ. Суруйааччы А.И.Софронов-Алампа айымньылара кэлэр ыччакка кэрэхсэнэ туруо.
Кыайыылаахтар:
Манасытов Петр «Ыллыым ээ, ыллыым» хоһоону ааҕар
Ануфриев Афоня («Дорообо, дойдум!»)
Пахомова Саргылана «Письмо отцу»
Биһирэбил бириистээхтэр:
Слепцова Галина «Хотугу түүн» (ЯПК ПК 2 курс)
Слепцов Петр «Оччуттар» (ЯТЭК ПК, 2 курс)
Михайлов Николай «Ыччат сахаларга» (СХТ, 2 курс)
Лабода Денис «Мечта» (СХТ, 1 курс)
Протопопова Кыыдаана «Саас кэлиитэ» (ЯПК, ДО-15)
Каратаева Татьяна «Саасыарда» (ЯТЭК ПК, 2 курс)
Аммосов Дмитрий «Оҕо-оҕо эрдэххэ» (ЯПК АФК-15)
Күрэх түгэннэриттэн